Հարգում եմ մեր մրցակցին, բայց կարծում եմ այսօր ավելիին էինք արժանի․ Վահե Գևորգյանի հետխաղային ասուլիսը (տեսանյութ)
Fastex Հայաստանի Պրեմիեր լիգայի 22-րդ տուրում «Արարատ-Արմենիան» ոչ-ոքի (1:1) խաղաց «Վանի» հետ։
Խաղից հետո կայացել է «Վանի» գլխավոր մարզիչ Վահե Գևորգյանի հետխաղային ասուլիսը։
«Չափազանց էմոցիոնալ խաղ ստացվեց։ Երկու թիմերն էլ խաղում էին հաղթանակի համար։ Չեմ խոսում խաղադաշտի որակի մասին, քանի որ երկու թիմերին էլ հավասարաչափ խանգարում էր։ Հասկանում ենք, որ հիմա ցանկացած բնական խաղադաշտ այս տեսքը կունենա։ Մենք ավելի ուշ հարմարվեցինք խաղադաշտին, քան մեր մրցակիցը։ Շատ արագ ոչ պարտադիր գնդակ բաց թողեցինք, ու դրանից հետո մտնել խաղի մեջ ու մամլիչ ֆուտբոլ խաղալ՝ իմ կարծիքով մենք արժանի էինք ավելիին, որովհետև մոտեցումներն ու պահերն ավելի շատ էին։ Հարգում եմ մեր մրցակցին, քանի որ շատ ուժեղ թիմ է։ Ամեն դեպքում՝ նման դասավորվող խաղում մեկ միավորն էլ մեզ համար վատ չէ»,-ասել է Վահե Գևորգյանը։
