Խաղը դինամիկ դարձնելու փորձ. ֆուտբոլի կանոնների փոփոխություն

ՖԻՖԱ-ն նախատեսում է ֆուտբոլի կանոնների փոփոխություններ կատարել 2026 թվականի աշխարհի առաջնության ժամանակ, հայտնում է ինսայդեր Գաստոն Էդուլը:

Փոփոխությունների հիմնական կետերը.

Փոխարինումների ժամանակ փոխարինվող խաղացողն ունի առավելագույնը 10 վայրկյան խաղադաշտը լքելու համար: Եթե նա ուշանում է, փոխարինումը հետաձգվում է մեկ րոպեով, և թիմը ժամանակավորապես մնում է թվային փոքրամասնությամբ:

Գնդակիը խաղի մեջ մտցնելիս՝ եզրային նետումների և դարպասից հարվածների համար կկիրառվի 5 վայրկյանի սահմանափակում: Եթե կանոնը խախտվի, գնդակի տիրապետումը կանցնի մրցակցին:

Բժշկական օգնությունը՝ դաշտից դուրս. Խաղադաշտում բժշկական օգնություն ստացող ֆուտբոլիստը պետք է լքի խաղադաշտը և սպասի մեկ րոպե, բացառությամբ այն դեպքերի, երբ վնասվածքը հասցվել է կանոնների խախտման հետևանքով, որի համար մրցակիցը պատժվել է դեղին կամ կարմիր քարտով:

VAR. Մրցավարների տեսակրկնապատկման համակարգը (VAR) հնարավորություն կունենա վերանայել երկրորդ դեղին քարտերը, որոնք հանգեցնում են հեռացման, ինչպես նաև սխալ նշանակված անկյունային հարվածները:

Մրցավարի հետ հաղորդակցում. Կխստացվի այն կանոնը, ըստ որի՝ միայն թիմի ավագը կարող է մոտենալ մրցավարին պարզաբանումներ ստանալու համար: Այլ ֆուտբոլիստների նման փորձի դեպքում կարող են ստանալ դեղին քարտ:

2026 թվականի աշխարհի առաջնությունը կկայանա ամռանը երեք երկրներում՝ ԱՄՆ, Կանադա և Մեքսիկա: