Խաչատուր Խաչատրյանը՝ Եվրոպայի Մ23 բրոնզե մեդալակիր

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի մինչեւ 23 տարեկանների առաջնությունում Հայաստանի ներկայացուցիչ Խաչատուր Խաչատրյանը վաստակեց բրոնզե մեդալ։

Մեդալային գոտեմարտում 125 կգ քաշային ըմբիշը 10։0 հաշվով հաղթեց լեհ Դամիան Դուբովսկիին։

Խաչատրյանը պայքարը սկսել էր 1/4 եզրափակիչից, որտեղ 11։0 հաշվով առավելության էր հասել վրացի Գիգա Շավաձեի նկատմամբ, ապա 0։10 հաշվով զիջել էր ուկրաինացի Վոլոդիմիր Կոխանովին։

Հիշեցնենք, որ ավելի վաղ Եվրոպայի Մ23 չեմպիոն էր հռչակվել Լևիկ Միքայելյանը, փոխչեմպիոն՝ Կնյազ Իբոյանը։