Բարսելոնան Լևանդովսկիին նոր պայմանագիր կառաջարկի ՝ աշխատավարձի զգալի կրճատմամբ

«Բարսելոնան» մտադիր է Ռոբերտ Լևանդովսկիին առաջարկել 1 տարվա նոր պայմանագիր՝ աշխատավարձի էական կրճատմամբ ու առանց երկարաձգման հնարավորության: Diario Sport-ш տեղեկություններով՝ ակումբը նախատեսում է կրճատել աշխատավարձի ֆիքսված մասը գրեթե 50%-ով՝ փոխարենը սահմանելով բոնուսներ խփած գոլերի և անցկացրած հանդիպումների քանակի համար:

Լեհ հարձակվողի պատասխանին «Բարսելոնայում» սպասում են ապրիլի վերջին կամ մայիսի սկզբին:

37-ամյա ֆուտբոլիստի համար այժմ առաջնային է ակումբի նախագծում սեփական կարևորությունն զգալը և սեփական ապագայի հարցում վստահություն ունենալը, ուստի այս հարցում վճռորոշ է լինելու հանդիպումը թիմի գլխավոր մարզիչ Հանս-Դիտեր Ֆլիկի հետ:

Չնայած Լևանդովսկին ունի ֆինանսապես շատ ավելի գայթակղիչ առաջարկներ, հարձակվողի համար դեռևս առաջին պլանում է մնում մրցակցությունն ու թոփ առաջնությունում հանդես գալը: Ընթացիկ մրցաշրջանում լեհ ֆուտբոլիստը Լա Լիգայի 24 խաղում դարձել է 11 գոլի հեղինակ: