Գանայի հավաքականը հեռացրել է գլխավոր մարզչին՝ Գերմանիայից ընկերական խաղում կրած պարտությունից հետո

Գանայի ֆուտբոլի ասոցիացիայի պաշտոնական կայքը հայտնում է, որ Գանայի հավաքականը հեռացրել է Օտտո Ադդոյին գլխավոր մարզչի պաշտոնից՝ Գերմանիայի հավաքականի հետ ընկերական խաղում 1:2 հաշվով կրած պարտությունից հետո։

«Գանայի ֆուտբոլի ասոցիացիան (GFA) անմիջապես հեռացրել է Գանայի տղամարդկանց ազգային հավաքականի գլխավոր մարզիչ Օտտո Ադդոյին», - ասվում է կազմակերպության կայքում հրապարակված հայտարարության մեջ։

Ադդոյի փոխարինողի կամ նրա հեռացման պատճառների մասին այլ մանրամասներ չեն տրամադրվել։

Հեռացումը տեղի է ունեցել ազգային հավաքականի վատ արդյունքների շարքի ֆոնին, որը չորս պարտություն է կրել ընկերական խաղերում։ Գանան իր վերջին խաղը պարտվել է Գերմանիային՝ Ավստրիայից 1:5 հաշվով պարտությունից հետո։ Ադոն երկրորդ անգամ էր գլխավորել ազգային հավաքականը,այն բանից հետո երբ «Բորուսիա Դորտմունդը» համաձայնել էր նրան ազատել տաղանդների զարգացման մենեջերի պաշտոնից 2024 թվականի մարտին։ Նա արդեն իսկ եղել է Գանայի ժամանակավոր մարզիչ 2022 թվականի մեծ մասի ընթացքում, այդ թվում՝ Կատարում կայացած աշխարհի առաջնությունում, որտեղ Գանան հաղթել է Հարավային Կորեային, բայց դուրս է մնացել խմբային փուլից։