Հարի Մագուայրին մեղադրանք է առաջադրվել ոչ պատշաճ վարքագծի համար

«Մանչեսթեր Յունայթեդի» պաշտպան Հարի Մագուայրը Անգլիայի ֆուտբոլային ասոցիացիայի կողմից զգուշացում է ստացել Անգլիայի Պրեմիեր լիգայի 31-րդ տուրի՝ «Բորնմութի» հետ խաղում (2:2) ստացած կարմիր քարտից հետո: Նրան մեղադրանք է առաջադրվել ոչ պատշաճ վարքագծի համար:

«Հարրի Մագուայրին մեղադրանք է առաջադրվել մարտի 20-ին կայացած «Մանչեսթեր Յունայթեդ»-«Բորնմութ» Պրեմիեր լիգայի հանդիպման 78-րդ րոպեին դաշտից հեռացվելուց հետո: Ենթադրվում է, որ պաշտպանը դրսևորել է ոչ պատշաճ վարքագիծ, օգտագործել է վիրավորական բառեր կամ նվաստացուցիչ վերաբերմունք է ցուցաբերել չորրորդ պաշտոնյայի նկատմամբ իր հեռացումից հետո», — նշված է Ֆուտբոլային ասոցիացիայի հայտարարության մեջ:

Մագուայրը մինչև ապրիլի 2-ը պետք է պատասխանի առաջադրված մեղադրանքներին: Նա ինքնաբերաբար կորակազրկվի 1 խաղով՝ կարմիր քարտի համար և բաց կթողնի ապրիլի 13-ին կայանալիք Պրեմիեր լիգայի 32-րդ տուրի «Լիդսի» հետ հանդիպումը։