Լավագույնի կոչման ֆավորիտը 2 անընդմեջ խաղում ռեկորդ սահմանեց

«Սան Անտոնիոյի» կենտրոնական Վիկտոր Վեմբանյաման արտակարգ մարզավիճակ է ձեռք բերել: NBA-ի կանոնավոր առաջնության երկու անընդմեջ խաղում ֆրանսիացին վաստակել է 41 միավոր: Մինչև այդ 22-ամյա բասկետբոլիստը 58 խաղում չէր հասել 41 միավորի սահմանագծին:

Դրանից հետո նա 41-ական միավոր է վաստակել «Չիկագոյի» դեմ տնային և «Գոլդեն Սթեյթի» դեմ այսօր կայացած խաղերում:

Ուշագրավ է, որ «Վեմբին» ընդամենը 31 րոպե է խաղացել «Բուլզի» դեմ և 29 րոպե՝ «Ուորիորզի»: Կալիֆորնիացիների դեմ մրցավեճում նա կրկնել է նաև մրցաշրջանի անձնական ռեկորդը անդրադարձների (ռեբաունդների) հաշվարկում (18):

Ավելի վաղ NBA-ն Վեմբանյամային նշել էր որպես մրցաշրջանի ամենաարժեքավոր խաղացողի (MVP) կոչման գլխավոր ֆավորիտ: Նա այդ հաշվարկում առաջին տեղ է բարձրացել մրցաշրջանի ավարտից 2 շաբաթ առաջ: Մինչև այդ առաջին հորիզոնականը 9 շաբաթ զբաղեցրել էր Նիկոլա Յոկիչը («Դենվեր») և 10 շաբաթ՝ Շեյ Գիլջես-Ալեքսանդրը («Օքլահոմա»):