Ավանդական կարատե-դո ֆեդերացիայի նախագահը տեխնիկական և մրցավարական սեմինար կանցկացնի

Ապրիլի 12-ին «Քրոսս» սպորտային համալիրում կկայանան  տեխնիկական և մրցավարական սեմինար, որը կանցկացնի Հայաստանի ավանդական կարատե-դո ֆեդերացիայի նախագահ, ITKF-ի խորհրդի անդամ, ITKF Ասիա աշխարհամասի տեխնիկական տնօրեն, սև գոտի 6-րդ դան Սուրեն Մաթևոսյանը։  Այս մասին հայտնում է ֆեդերացիայի ֆեյսբուքյան էջը։ 

Սեմինարի նպատակն է կատարելագործել մարզիկների տեխնիկական հմտությունները, զարգացնել մրցավարական գիտելիքներն ու մասնագիտական կարողությունները՝ ապահովելով ֆեդերացիայի պահանջներին և միջազգային չափանիշներին համապատասխան բարձր մակարդակի պատրաստվածություն։

Սեմինարի ավարտին նախատեսվում է մրցավարական որակավորման քննություն՝ ազգային C, B, A կարգերի համար։

Ժամային գրաֆիկն ըստ գոտիների հետևյալն է․

6–4 քյու (կանաչ, կապույտ գոտիներ) 10:00–12:00

3 քյու և բարձր ( շագանակագույն, սև գոտիներ) 12:00–14:00

Մասնակցությունը պարտադիր է համապատասխան որակավորում ունեցող մարզիկների համար։