Պատմական նվաճում․ Հայաստանի հավաքականը դուրս եկավ Եվրոպայի առաջնության եզրափակիչ փուլ (տեսանյութ)

Ֆուտզալի Հայաստանի ազգային հավաքականը դուրս եկավ Եվրոպայի առաջնության եզրափակիչ փուլ։

ԵՎՐՈ 2026-ի որակավորման փուլի 6-րդ ենթախմբում Հայաստանի ազգային հավակաքականը վերջին՝ 6-րդ տուրում հյուրընկալել էր Ղազախստանի հավաքականին և հաղթեց 4։2 հաշվով։ Մեր ընտրանու կազմում հեթ-տրիկ ձևակերպեց Նիկիտա Խրոմիխը։ Աչքի ընկավ նաև դարպասապահ Ալբերտ Աղաջանովը, որի գոլը կարող եք դիտել մեր թելեգրամյան ալիքում։

Մեր հավաքականը 16 միավորով գրավեց 1-ին տեղը՝ վաստակելով Եվրոպայի առաջնության եզրափակիչ փուլի ուղեգիր։ Մեր ընտրանին տոնեց 5 հաղթանակ, 1 հանդիպում էլ ավարտեց ոչ-ոքի։ Մեր խմբում, Ղազախստանից բացի, ընդգրկված էին նաև Դանիայի և Ալբանիայի հավաքականները։

Հիշեցնենք, որ ֆուտզալի Եվրոպայի առաջնության եզրափակիչ փուլը կանցկացվի հաջորդ տարվա հունվարի 18-ից փետրվարի 8-ը՝ Լատվիայում և Լիտվայում։