Հանսի Ֆլիկ. Վաղը խաղալու ենք Եվրոպայի լավագույն թիմերից մեկի հետ
«Բարսելոնայի» գլխավոր մարզիչ Հանս-Դիտեր Ֆլիկը խոսել է Լա Լիգայում և Չեմպիոնների լիգայի 1/4 եզրափակիչում «Ատլետիկոյի» դեմ սպասվող խաղերի մասին: Ապրիլի 4-ին թիմերը կհանդիպեն Մադրիդում՝ Իսպանիայի առաջնության 30-րդ տուրի շրջանակում: Չեմպիոնների լիգայի խաղերը կկայանան ապրիլի 8-ին և 14-ին:
«Այո, սա խաղ է Լա Լիգայի և Եվրոպայի լավագույն թիմերից մեկի դեմ: Նրանք ունեն վարպետության շատ բարձր մակարդակ, և ցանկացած խաղացող կարող է վճռել հանդիպման ելքը: Շատ կարևոր է թույլ չտալ այնքան սխալներ, որքան նրանց դաշտում կայացած մեր նախորդ խաղում էր: Ինձ դուր եկավ այսօրվա մարզումը, առջևում երկու շատ կարևոր ամիսներ են:
Ատլետիկոյի դեմ միշտ էլ դժվար է, նրանք ունեն աշխարհի լավագույն մարզիչներից մեկին: Ինձ դուր է գալիս այն, ինչ տեսնում եմ նրանց խաղում և այն, թե ինչպես են նրանք գործում: Նրանք ունեն աշխարհի լավագույն ֆուտբոլիստներից ոմանց, օրինակ՝ Գրիզմանը: Նրանց խաղացողները հիասքանչ են, և նրանց ստադիոնի մթնոլորտը նույնպես հիանալի է:
Մենք քննարկել ենք նաև խաղադաշտի որակը: Ես ֆուտբոլիստներին ասացի, որ պետք է ուշադրություն դարձնել դրան. հնարավոր է՝ արժե փոխել խաղակոշիկների: Նրանք պետք է պատրաստ լինեն և հարմարվեն»,- գերմանացու խոսքն է մեջբերում Mundo Deportivo-ն:
