Ինտերը մերժել է Բարսելոնայի առաջին առաջարկը Բաստոնիի համար

«Բարսելոնան» գործնական քայլեր է ձեռնարկել «Ինտերի» պաշտպան Ալեսանդրո Բաստոնիի տրանսֆերային իրավունքները ձեռք բերելու ուղղությամբ։

FCInter1908-ը, հղում անելով Sport Mediaset-ին, հայտնում է, որ «կատալոնացիներն» արդեն ներկայացրել են առաջին պաշտոնական առաջարկը՝ 45 միլիոն եվրո։ «Ինտերին» առաջարկը չի բավարարել, սակայն բանակցությունները կշարունակվեն։ «Ներաձուրիները» մտադիր են պաշտպանի վաճառքից ստանալ առնվազն 60 միլիոն եվրո։

Հատկանշական է, որ թե՛ միլանյան ակումբը, թե՛ հենց ֆուտբոլիստը հրաժարվել են քննարկել Լոնդոնի «Չելսիի» տրանսֆերային առաջարկը, որը նույնպես հետաքրքրված է ֆուտբոլիստի ծառայություններով։

«Բարսելոնա» տեղափոխվելու դեպքում Բաստոնիի տարեկան աշխատավարձը կկազմի 7 միլիոն եվրո, ինչը 2 միլիոնով ավելի է, քան նա ներկայումս ստանում է «Ինտերում»։