Յանիկ Սիները պատրաստ է զոհաբերության գնալ՝ Իտալիայի հավաքականի աշխարհի առաջնությունում հայտնվելու համար

«Մեծ սաղավարտի» մրցաշարերի քառակի հաղթող, աշխարհի 2-րդ ռակետ, իտալացի Յանիկ Սիները պատասխանել է հարցին՝ կհամաձայնե՞ր արդյոք փոխանակել իր տիտղոսը, որպեսզի ֆուտբոլի Իտալիայի ազգային հավաքականը որակավորվեր Աշխարհի առաջնությանը:

«Այո՛: Ես սիրով կգնայի նման փոխանակման: Շատ երիտասարդներ և երեխաներ չեն տեսել աշխարհի առաջնությունն Իտալիայի մասնակցությամբ»,-Սիների խոսքերն է մեջբերում Eurosport.fr-ը:

Հիշեցնենք, որ Աշխարհի 2026 թվականի առաջնության որակավորման փուլի փլեյ-օֆֆի եզրափակիչում Բոսնիա և Հերցեգովինան հետխաղյա 11-մետրանոցների սերիայում հաղթել է Իտալիային (1:1, 4:1 հարվածաշարով):