Ռանոսի ու Մկրտչյանի թիմերը հաղթողին չպարզեցին

Գերմանիայի 2-րդ Բունդեսլիգայի 28-րդ տուրում Բրաունշվայգի «Այնտրախտը» ընդունել էր «Նյուրնբերգին»։ Գրանցվեց 1։1 հաշիվը։

Ռաբի Նզինգուլայի 17-րդ րոպեին խփած գոլին պատասխանեց Յովան Միյատովիչը՝ 61-րդ րոպեին։

Հայաստանի ազգային հավաքականի հարձակվող Հրանտ-Լեոն Ռանոսն ընդգրկված էր «Անտրախտի» մեկնարկային կազմում ու մասնակցեց 1-ին կեսին։ Ազգային ընտրանու պաշտպան Ստյոպա Մկրտչյանը հայտավորված էր «Նյուրնբերգի» կազմում, սակայն խաղաժամանակ չստացավ։

Այս հանդիպումից հետո Բրաունշվայգը ներկայացնող ակումբը 30 միավորով 14-րդ տեղում է։ «Նյուրներգը» 37 միավորով 8-րդն է։