Ամբողջովին արժանի էինք հաղթանակի․ Սանդրո Պերկովիչ

Fastex Պրեմիեր լիգայի 20-րդ տուրի «Նոա»-ԲԿՄԱ (2:0) խաղից հետո «Նոայի» գլխավոր մարզիչ Սանդրո Պերկովիչը խոսել է հանդիպման մասին ու պատասխանել լրագրողների հարցերին․

Խորվաթ մասնագետը հայերենով շնորհավորել է հայ ժողովրդի Սուրբ Զատիկը, ինչից հետո անդրադարձել է հանդիպմանը․

«Մեծ շնորհավորանքներ եմ փոխանցում իմ ֆուտբոլիստներին։ Շատ գոհ եմ նրանց ցուցադրած խաղից։ Կարծում եմ, ամբողջովին արժանի էինք հաղթանակի։ Մենք շատ լուրջ էինք տրամադրված խաղի ամենասկզբից։ Մենք ստեղծեցինք բավական վտանգավոր պահեր՝ հատկապես մրցակցի տուգանային գոտում։ Այն, ինչ պակասում էր, 2-րդ գոլն էր։ Նման խաղերում դա անհրաժեշտություն է և մենք ունեինք հնարավորություններ, ցավոք, չկարողացանք անել մինչև վերջին 10 րոպեն։ Ես գոհ եմ մեր ցուցադրած խաղից։

Տղաներին խաղից առաջ ասել էի, որ երեկվա նախախաղային մարզումը լավագույնն էր՝ իմ այստեղ գտնվելուց ի վեր։ Մարզիչն ավելի հաջողակ չի կարող լինել, երբ խաղացողներն ինչ անում են մարզմանը, ցուցադրում են նաև խաղի ընթացքում։ Վերցնում ենք 3 միավորը և շարժվում առաջ»,-նշել է Պերկովիչը։

Մանրամասն տեսանյութում․