Տոտենհեմը արգելել է Քանյե Ուեսթին ելույթ ունենալ իր մարզադաշտում

Լոնդոնի «Տոտենհեմը» մերժել է ամերիկացի հիփ-հոփ արտիստ և պրոդյուսեր Քանյե Ուեսթի հայտը՝ իր մարզադաշտում ելույթ ունենալու վերաբերյալ։

Ինչպես հայտնում է Daily Mail-ը, որոշման պատճառը արտիստի հակասեմական հայտարարություններն են և ակումբի պատմական սերտ կապերը հրեական համայնքի հետ։

Այնուամենայնիվ, ռեփերին հրավիրել են ելույթ ունենալ Wireless Festival-ին, ինչը հանրային և քաղաքական մեծ դժգոհություն է առաջացրել։ Սկանդալի հետևանքով 2 խոշոր հովանավորները՝ Pepsi-ն ու Diageo-ն արդեն հրաժարվել են միջոցառմանը մասնակցելուց.

Իրավիճակին արձագանքել է նաև Մեծ Բրիտանիայի վարչապետ Կիր Ստարմերը։ Նա փառատոնի կազմակերպիչների որոշումն անվանել է «խորը մտահոգություն առաջացնող»։ Վարչապետը նաև նշել է, որ հաշվի առնելով ռեփերի նախկին հակասեմական հայտարարությունները՝ հնարավոր է քննարկվի նրա մուտքը երկիր արգելելու հարցը։