Արսենալի, Յուվենտուսի և Ուելսի հավաքականի նախկին ֆոտբոլիստն ավարտեց կարիերան
«Արսենալի» և Ուելսի հավաքականի նախկին կիսապաշտպան Աարոն Ռեմզին հայտարարել է կարիերան ավարտելու մասին:
«Այս որոշումն ինձ հեշտ չտրվեց: Երկար մտորումներից հետո ես որոշեցի հեռանալ ֆուտբոլից: Ինձ համար պատիվ էր կրել Ուելսի հավաքականի մարզաշապիկը և նրա հետ ապրել այսքան անհավանական պահեր: Դա հնարավոր չէր լինի առանց բոլոր այն մարզիչների անհավանական ներդրման, որոնց գլխավորությամբ ես աշխատել եմ, և ամբողջ անձնակազմի, որն ամեն հարցում օգնում էր ինձ:
Երկրորդ՝ շնորհակալություն բոլոր ակումբներին, որտեղ բախտ եմ ունեցել խաղալ: Շնորհակալություն բոլոր մարզիչներին և աշխատակիցներին, ովքեր օգնեցին ինձ իրականացնել երազանքս և խաղալ ամենաբարձր մակարդակում:
Եվ հսկայական շնորհակալություն կնոջս, երեխաներիս և ամբողջ ընտանիքիս: Եթե դուք այս ընթացքում իմ կողքին չլինեիք, ոչինչ հնարավոր չէր լինի»,- գրել է 35-ամյա ֆուտբոլիստը:
Ռեմզին պրոֆեսիոնալ կարիերան սկսել է «Քարդիֆ Սիթիում», որտեղից 2008 թվականին տեղափոխվել է «Արսենալ»: 2019-ից 2022 թվականներին նա հանդես է եկել «Յուվենտուսում», որից հետո միացել է «Նիսին»: 2023-ին Ռեմզին վերադարձել է «Քարդիֆ», իսկ 2025-ից խաղում էր «Պումասում»:
«Արսենալի» կազմում Աարոնը երեք անգամ հաղթել է Անգլիայի գավաթը և Սուպերգավաթը: «Յուվենտուսի» հետ նա դարձել է Իտալիայի չեմպիոն, երկրի գավաթակիր և սուպերգավաթակիր:
Ուելսի հավաքականի կազմում Ռեմզին անցկացրել է 86 հանդիպում և դարձել 21 գոլի հեղինակ:
