Բավարիայի երկրպագուներն ինքնաթիռ են վարձել Մադրիդ մեկնելու համար

«Բավարիայի» 180 երկրպագու A320 ինքնաթիռ են վարձակալել, որպեսզի ավելի էժան լինի թռչել Իսպանիա՝ Չեմպիոնների լիգայի 1/4 եզրափակիչի «Ռեալ Մադրիդի» դեմ խաղին, հայտնում է Bayern Times-ը:

Մյունխենից Մադրիդ տոմսերն արժեին մեկ անձի համար մոտավորապես 900 եվրո, սակայն վարձակալելով ինքնաթիռը՝ երկրպագուները վճարել են 2 անգամ պակաս:

Օդանավն ամբողջությամբ երկրպագուների տնօրինության տակ է եղել, ուստի ամբողջ թռիչքի ընթացքում նրանք գարեջուր են խմել ու երգել «Բավարիայի» մասին:

Գերմանացիներն Իսպանիայում նաև ականատես են եղել իրենց սիրելի թիմի հաղթանակին՝ 2:1 հաշվով:

Պատասխան խաղը կկայանա ապրիլի 15-ին՝ Մյունխենյում: