Չեմպիոնների լիգայի քառորդ եզրափակիչի խաղային 2-րդ օրվա հանդիպումներում ավարտվեցին 1-ին խաղակեսերը։
«Բարսելոնան» սեփական հարկի տակ նվազագույն հաշվով զիջում է Մադրիդի «Ատլետիկոյին»։ 44-րդ րոպեին տանտերերի պաշտպան Պաու Կուբարսին վերջին հույսի խախտում կատարեց Խուլիան Ալվարեսի նկատմամբ։ Հանդիպման գլխավոր մրցավար Իշտվան Կովաչը գրպանից հանեց դեղին քարտը, սակայն VAR-ով կրկնապատկերը դիտելուց հետո վերանայեց որոշումն ու հեռացրեց «կատալոնական» ակումբի պաշտպանին։ Խախտման համար նշանակված տուգանային հարվածից շքեղ գոլի հեղինակ դառնալով Խուլիան Ալվարեսը բացեց հանդիպման հաշիվը։
ՊՍԺ-ն էլ Փարիզում նվազագույն առավելությամբ հաղթում է «Լիվերպուլին»։ Հանդիպման միակ գոլը հեղինակել է Դեսիրե Դուեն՝ 11-րդ րոպեին։
Հանդիպումների վիճակագրությունն ըստ ՈւԵՖԱ-ի․
Այս թիմերի միջև պատասխան խաղերը կկայանան ապրիլի 14-ին։
Հիշեցնենք, որ քառորդ եզրափակիչի մյուս խաղերում «Բավարիան» Մադրիդում հաղթել էր «Ռեալին», իսկ «Արսենալը» Լիսաբոնում առավելության էր հասել «Սպորտինգի» նկատմամբ։
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
