ՉԼ․ Հայտնի է շաբաթվա լավագույն ֆուտբոլիստը

«Բավարիայի» 40-ամյա դարպասապահ Մանուել Նոյերը ճանաչվել է Չեմպիոնների լիգայի շաբաթվա լավագույն խաղացող: 

Մադրիդի «Ռեալի» դեմ Չեմպիոնների լիգայի քառորդ եզրափակիչի խաղում (1:2) գերմանացի դարպասապահը կատարել է 9 սեյվ, ինչը նրա լավագույն արդյունքն է մրցաշարի փլեյ-օֆֆում 2017 թվականից ի վեր: Այս հանդիպման ընթացքում դարպասապահը հաղթահարել է 5,3 կմ տարածություն:

Քվեարկության արդյունքում Նոյերը շրջանցել է «Արսենալի» դարպասապահ Դավիդ Ռայային, որը «չոր» հանդիպում էր անցկացրել «Սպորտինգի» հետ (0:1), «ՊՍԺ»-ի հարձակվող Խվիչա Կվարացխելիային, որը գոլի հեղինակ էր դարձել «Լիվերպուլի» հետ խաղում (2:0), և Մադրիդի «Ատլետիկոյի» հարձակվող Խուլիան Ալվարեսին, որը գրավել էր «Բարսելոնայի» դարպասը (0:2):