ԿԼ․ Քառորդ եզրափակիչի առաջին խաղերում միայն չոր հաղթանակներ գրանցվեցին

Կոնֆերենցիաների լիգայի քառորդ եզրափակիչի առաջին դիմակայություններում գրանցվեց միայն «չոր» հաշիվներ։

Խաղային օրը մեկնարկեց «Ռայո Վալեկանո»-«ԱԵԿ» խաղով, որում իսպանական ակումբի ֆուտբոլիստները 3 անպատասխան գնդակ ուղարկեցին հունական թիմի դարպասը։ Գոլերն իրենց անվան դիմաց գրանցեցին Իլյաս Ախոմաշը (2'), Ունայ Լոպեսը (45'+2) և Իսի Պալասոնը (74', 11մ)։

«Նոային» պայքարից դուրս թողած «ԱԶ Ալկմարը» 3 գնդակ ընդունեց ուկրաինական «Շախտյորից»։ Աչքի ընկան Պեդրինյոն (72') և Ալիսոն Սանտանան (81', 83'):

Նույն հաշվով ավարտվեց նաև «Քրիսթալ Փելաս»-«Ֆիորենտինա» հանդիպումը։ Իտալական ակումբի ֆուտբոլիստները չկարողացան պատասխանել Ժան-Ֆիլիպ Մատետայի (24', 11մ), Տայրիկ Միտչելի (31') և Իսմայիլա Սարի (90') գոլերին։

«Մայնցն» էլ հարմար առավելություն ստացավ «Ստրասբուրգի» դեմ խաղում՝ 2։0․ Գոլերը՝ Կայսու Սանո (11'), Շտեֆան Պոշ (19'):

Պատասխան խաղերը նախատեսված են ապրիլի 16-ին։