Ես ամբողջությամբ նվիրված եմ Արսենալին․ Միկել Արտետա

«Արսենալի» գլխավոր մարզիչ Միկել Արտետան խոսել է լոնդոնյան «Արսենալում» իր երկարաժամկետ ապագայի մասին։

«Ես ամբողջությամբ նվիրված եմ այս ակումբին։ Ես շատ երջանիկ եմ և ինձ հիանալի եմ զգում։ Իմ ընտանիքի մոտ ամեն ինչ լավ է։ Ես դեռ շատ հավակնություններ և նպատակներ ունեմ, որոնք ցանկանում եմ իրականացնել այս ֆուտբոլային ակումբում, և այժմ մենք գտնվում ենք շատ լավ վիճակում։  Պետք է աշխատել ամբողջ ուժով և զգալ, որ դու մարդ ես, ով կարող է առաջնորդել և ոգեշնչել թիմին մեծ նվաճումների՝ հանուն ակումբի։ Հիմա ես հենց այդպես եմ զգում և հույս ունեմ, որ այս զգացումը կպահպանվի մինչև շաբաթվա վերջ, իսկ մրցաշրջանը կավարտվի հիանալի արդյունքով», – ասել է Արտետան, որի խոսքերը մեջբերում է ակումբի պաշտոնական կայքը։

ԱՊԼ 31 տուրից հետո լոնդոնյան թիմը 70 միավորով գլխավորում է մրցաշարային աղյուսակն ու 9 միավորի առավելություն ունի մեկ խաղ պակաս անցկացրած «Մանչեսթեր Սիթիի» նկատմամբ։