Հայտնի է Խաչանովի առաջին մրցակիցը Բարսելոնայի մրցաշարում․ Վիճակահանության արդյունքները

Տեղի է ունեցել ապրիլի 13-19 Բարսելոնայում կայանալիք ATP 500 մրցաշարի վիճակահանությունը։

Ռուսաստանը ներկայացնող հայ թենիսիստ Կարեն Խաչանովը մրցաշարի 1-ին շրջանում կմրցի արգենտինացի Կամիլո Ուգո Կարաբելիի հետ։

Մոնտե Կառլոյի «Մասթերսի» կիսաեզրափակիչ հասած, Մոնակոն ներկայացնող Վալենտին Վաշերոյի մրցակիցը կլինի Տերենս Ատմանը՝ Ֆրանսիայից։

Աշխարհի 1-ին ու 2-րդ ռակետներ Կառլոս Ալկարասն ու Յանիկ Սիները 1-ին շրջանում կմրցեն որակավորման փուլը հաղթահարած թենիսիստների հետ։ ԱՄբողջական վիճակահանությունը՝ այստեղ։

Բարսելոնայում կայանալիք մրցաշարի մրցանակային ֆոնդը 2,950,310 եվրո է։