Եթե չհաղթենք Չելսիին, չեմպիոնական պայքարն ավարտված կլինի․ Գվարդիոլա

«Մանչեսթեր Սիթիի» գլխավոր մարզիչ Պեպ Գվարդիոլան խոսել է «Չելսիին» հաղթելու անհրաժեշտության մասին։

«Խոսակցություններ «Արսենալի» մասի՞ն։ Եթե մենք չհաղթենք «Սթեմֆորդ Բրիջում», բարդ կլինի, հնարավոր է՝ ձեզ նույնիսկ պետք չլինի մամուլի ասուլիս անցկացնել «Արսենալի» հետ խաղից առաջ, որովհետև ամեն ինչ ավարտված կլինի։ Բոլորն այդ գիտեն։ Դուք գիտեք, ես գիտեմ, խաղացողները գիտեն, Անգլիայում բոլորը գիտեն։ Մնացել է շատ հանդիպումներ և պետք է հաղթել բոլորում։ Ոչ-ոքին անհնար է, ոչ, մոռացեք այդ մասին։

Ինը միավորը «Արսենալի» մեծ առավելությունն է։ Եթե հաղթենք «Սթեմֆորդ Բրիջում» ու «Արսենալին»՝ տանը, իհարկե, ցնորք կլինի։ Ցանկությունը միշտ կա, բայց իրականում ես այնքան միամիտ չեմ, որ ասեմ, թե դա տեղի կունենա»,- ասել է Գվարդիոլան։

«Արսենալը» գլխավորում է աղյուսակը 9 միավորի առավելությամբ, սակայն «Մանչեսթեր Սիթին» 2 հանդիպում պակաս է անցկացրել։

«Չելսի»-«Մանչեսթեր Սիթի» հանդիպումը կմեկնարկի 19։30-ին։