«Փյունիկի» և Հայաստանի ազգային հավաքականի պաշտպան Վարազդատ Հարոյանի համար ՀՊԼ 23-րդ տուրի՝ «Շիրակի» դեմ այսօր կայացած խաղը հոբելյանական էր երևանյան թիմի կազմում: Հարոյանն անցկացրել է իր 150-րդ խաղը Հայաստանի Պրեմիեր լիգայում:
Այս մասին հայտնում է «Փյունիկի» մամուլի քարտուղարությունը:
Ընդ որում՝ բոլոր 150 խաղերը Հարոյանն անցկացրել է հենց «Փյունիկի» կազմում:
Անցնելով «Փյունիկի» ֆուտբոլային դպրոցը՝ Հարոյանը 2008 թվականին իր կարիերան սկսել է Հայաստանի առաջին խմբում հանդես եկող «Պատանի» թիմում։ 2009 թվականի ապրիլի 7-ին Հայաստանի գավաթի խաղարկության 1/4 եզրափակչի՝ «Կիլիկիայի» դեմ (3:0) պատասխան խաղում նա իր նորամուտն է նշել «Փյունիկում»։ Հաջորդ մրցաշրջանում Վարազդատն ամրապնդվել է երևանյան թիմի հիմնական կազմում և աստիճանաբար դարձել «Փյունիկի» առանցքային խաղացողներից։
Վարազդատ Հարոյանը «Փյունիկի» հետ դարձել է Հայաստանի եռակի չեմպիոն (2009, 2010, 2014/15 թթ․), հնգակի գավաթակիր (2009, 2010, 2012/13, 2013/14, 2014/15 թթ․) և եռակի սուպերգավաթակիր (2010, 2011, 2015 թթ․)։
Նա երևանյան ակումբ է վերադարձել այս տարվա հունվարին:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
