Բասկետբոլիստը կարիերայի 12-րդ մրցաշրջանում հեռվից առաջին դիպուկ նետումն է կատարել (տեսանյութ)

«Հյուսթոնի» կենտրոնական Քլինտ Կապելան օգնել է թիմին ջախջախել «Մեմֆիսին» (132:101)՝ 23 րոպեում գրանցելով դաբլ-դաբլ (23 միավոր + 13 անդրադարձ) և ավելացնելով 3 բլոկ-շոտ ու 1 խլում:

Սակայն գլխավոր իրադարձությունը դարձել է շվեյցարացու իրացրած նետումը հեռու տարածությունից:

Լիգայում անցկացրած 12 մրցաշրջանների ընթացքում Քլինտն ընդամենը յոթ փորձ էր կատարել 3-միավորանոց նետման, սակայն վրիպել էր: Ապրիլի 13-ին Կապելան կարիերայի առաջին 3-միավորանոց դիպուկ նետումն է կատարել:

«Սկզբում չէի կարողանում հավատալ դրան… Միանշանակ, կարիերայիս լավագույն պահերից մեկն է»,- NBA-ի մամուլի բաժնի հետ զրույցում ասել է 31-ամյա բասկետբոլիստը: