Ջավոխիր Սինդարովը ժամանակից շուտ դարձավ հավակնորդների մրցաշարի հաղթող ու կպայքարի աշխարհի չեմպիոնի կոչման համար

20-ամյա ուզբեկ գրոսմայստեր Ջավոխիր Սինդարովը ժամանակից շուտ դարձել է Կիպրոսում ընթացող Հավակնորդների մրցաշարի հաղթող։

Այսօր՝ 13-րդ տուրում, Սինդարովը ոչ-ոքի է խաղացել Նիդերլանդները ներկայացնող Անիշ Գիրիի հետ։

Ուզբեկ շախմատիստը վաստակել է 9,5 միավոր և ապահովել առաջին հորիզոնականը մրցաշարային աղյուսակում։ Մրցաշարը կավարտվի ապրիլի 15-ին։

Սինդարովը իրավունք է ստացել մասնակցելու շախմատային թագի համար մրցախաղին։ Աշխարհի գործող չեմպիոնը հնդիկ Գուկեշ Դոմարաջուն է։