ՉԼ․ ՊՍԺ-ն 3-րդ անգամ անընդմեջ կխաղա կիսաեզրափակիչում, Ատլետիկոն 2017-ից ի վեր առաջին անգամ է այս փուլում

Մադիդի «Ատլետիկոն» 9 տարվա դադարից հետո առաջին անգամ դուրս եկավ Չեմպիոնների լիգայի կիսաեզրափակիչ։ Դիեգո Սիմեոնեի գլխավորած թիմը քառորդ եզրափակիչի պատասխան խաղում պարտվեց «Բարսելոնային», բայց դիմակայությունում հաղթելով 3։2 հաշվով դուրս եկավ կիսաեզրափակիչ։

«Ատլետները» վերջին անգամ այս փուլ հասել էին 2017 թվականին՝ պայքարից դուրս թողնելով Լևերկուզենի «Բայերին» ու «Լեսթեր Սիթիին»։ Այդ ժամանակ «Ատլետիկոն» զիջել էր Մադրիդի «Ռեալին» (ընդհանուր 2։4)։

ՊՍԺ-ն, հաղթելով «Լիվերպուլին», 3-րդ անգամ անընդմեջ դուրս եկավ եվրոպական ամենահեղինակավոր մրցաշարի կիեսաեզրափակիչ փուլ։ 2023/24 մրցաշրջանում փարիզյան ակումբը հաղթահարելով «Ռեալ Սոսյեդադի» ու «Բարսելոնայի» արգելը՝ պայքարից դուրս էր մնացել դիմակայության 2 խաղերում նվազագույն հաշվով զիջելով Դորտմունդի «Բորուսիային»։

Նախորդ տարի Լուիս Էնրիկեի գլխավորած թիմը փլեյ-օֆֆում պայքարից դուրս թողնելով «Բրեստին», «Լիվերպուլին», «Աստոն Վիլային» ու «Արսենալին»՝ եզրափակիչում հաղթեց «Ինտերին» (5։0)։

ՉԼ-ի կիսաեզրափակիչում «Ատլետիկոն» կմրցի «Արսենալ»-«Սպորտինգ», ՊՍԺ-ն՝ «Բավարիա»-«Ռեալ Մադրիդ» զույգի հաղթողի հետ։