Առաջնությունում հաղթելու շանսերը փոքր են, բայց կանենք առավելագույնը․ Սերժ Դեբլեն՝ Շիրակի հետ խաղից հետո

Fastex Հայաստանի Պրեմիեր լիգայի 23-րդ տուրի «Փյունիկ»-«Շիրակ» (6։1) հանդիպումից հետո Հայաստանի գործող չեմպիոնի հարձակվող Սերժ Դեբլեն պատասխանել է Sportmedia.am-ի հարցերին՝

«Լավ ու կարևոր խաղ էր մեզ համար, քանի որ միավորներ էինք կորցրել: Այդ իսկ պատճառով այսօր մեզ համար շատ կարևոր էր հաղթանակի հասնելն ու ավելի ուժեղ վերադառնալը։ Մենք շարունակում ենք աշխատել մարզումներին, անել մարզչի հանձնարարությունները: Ֆուտբոլն այսպիսին է. երբեմն հաղթում ես, երբեմն՝ պարտվում: Բայց ոչինչ չի փոխվել: Մենք հետևում ենք մեր աշխատանքին, կենտրանանում ենք մեկ խաղից մյուսին: Առաջնությունում հաղթելու մեր շանսերը փոքր են, բայց մենք կանենք մեր առավելագույնը՝ լավագույն եռյակում տեղ գտնելու համար»։