Խելահեղ վերջաբաններ. հայտնի են փլեյ-ինից փլեյ-օֆֆ դուրս եկած առաջին թիմերը
NBA-ում կայացել են փլեյ-ինի առաջին երկու խաղերը:
Արևմտյան կոնֆերենցիայում 7-րդ տեղը գրաված «Ֆինիքսը» սեփական հարկի տակ ընդունել էր 8-րդ հորիզոնականը զբաղեցրած «Պորտլենդին»: Երկկողմանի քամբեքներով անցած մրցավեճում «Թրեյլ Բլեյզերսը» հաղթել է 114:110 հաշվով:
Հյուրերի առաջատար Դենի Ավդիյան վաստակել է 41 միավոր, տիրել 7 անդրադարձի և կատարել 12 արդյունավետ փոխանցում: Տանտերերի կազմում 35 միավոր է վաստակել Ջեյլեն Գրինը: Այս հաղթանակի շնորհիվ «Պորտլենդը» դուրս է եկել փլեյ-օֆֆ, որտեղ մրցելու է «Սան Անտոնիոյի» հետ:
Էլ ավելի համառ պայքարում է անցել Արևելյան կոնֆերենցիայի 9-րդ տեղը գրաված «Շառլոտի» ու 10-րդ տեղում հանգրվանած «Մայամիի» միջև հանդիպումը: Հիմնական ժամանակն ավարտվել է ոչ-ոքի, իսկ լրացուցիչ ժամանակում «Հորնեթսը» հաղթել է 117:116 հաշվով:
Տանտերերի խաղարկող Լամելո Բոլը վաստակել է 30 միավոր ու կատարել 10 արդյունավետ փոխանցում: «Շառլոտը» փլեյ-օֆֆ դուրս կգա, եթե առավելության հասնի «Ֆիլադելֆիա» – «Օռլանդո» զույգում պարտված թիմի նկատմամբ:
