18-ամյա ավստրալացին գերազանցել է Ուսեյն Բոլտի երիտասարդական ռեկորդը (տեսանյութ)

Ավստրալիայի արագավաքի առաջնությունում 18-ամյա Գոուտ Գոուտը տարածությունը հաղթահարել է 19,67 վայրկյանում: Նա գերազանցել է լեգենդար Ուսեին Բոլտի ռեկորդը, որը ներառում էր մինչև 20 տարեկանների ցուցանիշները: Ճամայկացին 2004 թվականին 200 մետրը վազել էր 19,93 վայրկյանում:

Բոլտն ութ անգամ հաղթել է ամառային Օլիմպիական խաղերում, ինչպես նաև 11 անգամ դարձել աշխարհի չեմպիոն: Նա համաշխարհային 8 ռեկորդ է սահմանել:

Ճամայկացուն է մինչև օրս պատկանում 100 մետր արագավազքի ռեկորդը (9,58 վրկ) և 200 մետրում (19,19 վրկ), ինչպես նաև 4x100 մետր փոխանցումավազքում (36,84 վրկ):

Բոլտը միակ մարզիկն է, որին հաջողվել է հաղթել 100 և 200 մետր արագավաքի մրցատարածություններում երեք անընդմեջ Օլիմպիական խաղեր (Պեկին 2008, Լոնդոն 2012 և Ռիո դե Ժանեյրո 2016):