Ծանրամարտի ԱԱ. Գարիկ Կարապետյանն անհաջող հանդես եկավ

Եվրոպայի եռակի չեմպիոն Գարիկ Կարապետյանը երկամարտի արդյունք չգրանցեց Չինաստանի Նինբո քաղաքում ընթացող ծանրամարտի աշխարհի առաջնությունում:

110 կգ քաշային կարգում հայ ծանրորդը զրո ստացավ հրում վարժությունում: Պոկում վարժությունից հետո 23-ամյա Կարապետյանը 183 կգ արդյունքով 7-րդ տեղում էր, իսկ հրում վարժությունը ձախողեց: Նա երկու անգամ չկարողացավ բարձրացնել 217 կգ-ն, իսկ երրորդ մոտեցումից հրաժարվեց վնասվածքի պատճառով:

Նոյեմբերի 7-ին Հայաստանի ներկայացուցիչներից մրցահարթակ դուրս կգան 86 կգ քաշայիններ Էմմա Պողոսյանը և Լիանա Գյուրջյանը, իսկ նոյեմբերի 8-ին՝ աշխարհի գործող չեմպիոն Վարազդատ Լալայանը (+110 կգ):