Բերնարդու Սիլվան հաստատել է, որ մրցաշրջանի ավարտից հետո կհեռանա Մանչեսթեր Սիթիից
«Մանչեսթեր Սիթիի» կիսապաշտպան Բերնարդու Սիլվան հայտարարել է, որ մրցաշրջանի ավարտից հետո լքելու է ակումբը: Նա դիմել է երկրպագուներին։
«Սիթիի» երկրպագուներ։ Երբ ես ինը տարի առաջ ժամանեցի այստեղ, ես հետևեցի մի փոքրիկ տղայի երազանքին՝ հաջողության հասնել կյանքում, մեծ բաներ անել։ Այս քաղաքը և այս ակումբը ինձ շատ ավելին են տվել, շատ ավելին, քան ես երբևէ համարձակվել եմ հույս ունենալ։ Այն, ինչ մենք միասին հաղթեցինք և ձեռք բերեցինք, ժառանգություն է, որը հավերժ կմնա իմ սրտում։
Մի քանի ամսից կգա ժամանակը հրաժեշտ տալու այն քաղաքին, որտեղ մենք ոչ միայն այդքան շատ հաղթանակներ ենք տարել որպես ֆուտբոլային ակումբ, այլև որտեղ ես սկսել եմ իմ ընտանեկան կյանքը և ընտանիք կազմել։
Ձեր նվերապահ աջակցությունը այս բոլոր տարիների ընթացքում մի բան է, որը ես երբեք չեմ մոռանա։ Որպես խաղացող՝ իմ գլխավոր նպատակն էր միշտ դաշտ դուրս գալ կրքով, ձեզ հպարտացնել և զգալ, որ ձեր շահերը ներկայացված են։ Հուսով եմ՝ դուք դա զգացել եք յուրաքանչյուր խաղում։ Ես ակումբ եմ եկել որպես «Մանչեսթեր Սիթիի» խաղացող, և հեռանում եմ որպես ձեզանից մեկը՝ «Մանչեսթեր Սիթիի» ողջ կյանքի երկրպագու։ Շարունակեք աջակցել այս երիտասարդ թիմին. վստահ եմ, որ նրանք ձեզ ապագայում շատ ավելի հիանալի հիշողություններ կպարգևեն։
Ակումբին, Պեպին, բոլոր անձնակազմին և իմ բոլոր թիմակիցներին, որոնց հետ անցկացրել եմ այս 9 տարիները, շնորհակալություն բոլոր հիշողությունների համար և թույլ տալու համար, որ ես այդքան երկար ժամանակ մասնակցեմ այս ճանապարհորդությանը։ Մարզադաշտում ամեն օր ստեղծվող մթնոլորտը ինձ ստիպեց զգալ ինձ ինչպես տանը՝ մեկ մեծ ընտանիքի մաս։ Եկեք միասին վայելենք այս վերջին մի քանի շաբաթները և պայքարենք այս մրցաշրջանի բոլոր հնարավորությունների համար», - գրել է Սիլվան սոցիալական ցանցերում։
