Հովհաննես Բաչկովը հաղթեց նոկաուտով ու նվաճեց WBA Continental չեմպիոնական գոտին

Հայ պրոֆեսիոնալ բռնցքամարտիկ Հովհաննես Բաչկովը Grassroots boxing-ի կողմից կազմակերպած Paddy’s day boxing show երեկոյում հաղթանակի հասավ  վենեսուելացի Ջոս Բաստարդոնի նկատմամբ ու տիրացավ  WBA Continental չեմպիոնական գոտուն:

32-ամյա բռնցքաարտիկը 2-րդ ռաունդում նոկաուտի ենթարկեց մրցակցին։  

Այսպիսով, Եվրոպայի եռակի չեմպիոն, աշխարհի քառակի բրոնզե մեդալակիր գյումրեցի բռնցքամարտիկը շարունակում է անպարտելի մնալ պրոֆեսիոնալ ռինգում՝ ունենալով 7 անընդմեջ հաղթանակ։