Ալեքսանդրա Գրիգորյանը՝ ծանրամարտի Եվրոպայի փոխչեմպիոն (տեսանյութ)

Ծանրամարտի Հայաստանի կանանց հավաքականի անդամ, աշխարհի առաջնության բրոնզե մեդալակիր, Եվրոպայի չեմպիոն Ալեքսանդրա Գրիգորյանը Վրաստանի Բաթումի քաղաքում ընթացող Եվրոպայի առաջնությունում երկամարտի 210  կգ արդյունքով նվաճել է փոխչեմպիոնի տիտղոսը: 

Պոկում վարժության 58  կգ քաշայինների պայքարում Ալեքսանդրան առաջին մոտեցմամբ գլխավերևում պահել է 88 կգ կշռող ծանրաձողը, ապա վստահ բարձրացրել է 91 կգ-ն, սակայն երրորդ մոտեցումը ձախողել է՝ չկարողանալով բարձրացնել 93 կգ-ն: Այս վարժությունում նա 4-րդն էր:

Հրում վարժությունում Ալեքսանդրա Գրիգորյանը նախ բարձրացրել է 115 կգ կշռող ծանրաձողը, ապա 119 կգ-ն: Երրորդ մոտեցումը՝ 124 կգ, հայ մարզուհին ձախողել է: Հրում վարժությունում էլ Ալեքսանդրան ապահովել է փոքր բրոնզը:

20-ամյա Ալեքսանդրա Գրիգորյանը կարիերայում երկրորդ անգամ է նվաճում Եվրոպայի փոխչեմպիոնի տիտղոսը:

Տեսանյութը՝ Sportmedia.am-ի էջում: