Ծանրամարտի Հայաստանի հավաքականը մեկնարկեց աշխարհի առաջնությունում

Չինաստանի Նինբո քաղաքում անցկացվող ծանրամարտի աշխարհի առաջնությունում պայքարի մեջ է մտել Հայաստանի առաջին ներկայացուցիչ Գառնիկ Չոլաքյանը:

65 կգ քաշային կարգում հայ ծանրորդը հանդես է եկել B խմբում և երկամարտի 285 կգ (130+155) արդյունքով գրանցել է 11-րդ արդյունքը: Ընդհանուր հաշվարկում Չոլաքյանը զբաղեցրել է 18-րդ տեղը:

65 կգ քաշային կարգում աշխարհի չեմպիոն է դարձել Հյուսիսային Կորեան ներկայացնող Մյոնգ Ջին Պարկը, որը երկամարտում գրանցել է 331 կգ արդյունք:

Ծանրամարտի Հայաստանի հավաքականից հաջորդը հանդես են գալու 75 կգ քաշային Գոռ Սահակյանը և Տիգրան Կարապետյանը, որոնք մրցահարթակ դուրս կգան հոկտեմբերի 31-ին: