Բրազիլիայում ընթացող բռնցքամարտի աշխարհի գավաթի խաղարկության մրցումային 3-րդ օրը Արթուր Բազեյանն ու Արարատ Հարությունյանն զիջել են մրցակիցներին։

Բազեյանը մրցել է Ղրղզստանի ներկայացուցիչ Մունարբեկ Ուլուին, Հարությունյանը՝ Դոմինիկյան Հանրապետությունից Ռիկարդո Կուելոյին։

Ավելի վաղ, կանանց 65 կգ քաշային Էլիդա Քոչարյանն ու տղամարդկանց 65 կգ քաշային Արթուր Սահակյանը, ցավոք, մեկնարկային մենամարտերում զիջել էին իրենց մրցակիցներին։ Քոչարյանը մենամարտել է Խորվաթիան ներկայացնող Սառա Բերմանի, իսկ Սահակյանը՝ Լեհաստանի ներկայացուցիչ Բարտոմեյ Ռոսկովիչի հետ:

Հաղթանակով էին մեկնարկել 55կգ քաշային Ժիրայր Սարգսյանը, կանանց 51 կգ քաշային Անուշ Գրիգորյանը և գերծանր քաշային Դավիթ Չալոյանը։

Աշխարհի գավաթի խաղարկությունն անցկացվելու է երեք փուլով։ Բրազիլիայում կայանալիք առաջին փուլում 1/8 եզրափակիչ դուրս եկած բռնցքամարտիկները կշարունակեն պայքարը երկրորդ փուլում, որը կկայանա Չինաստանում։ Եզրափակիչ փուլը կանցկացվի Տաշքենդում։