ԱՊԼ-ն նոր առաջատար ունի․ Հոլանդի գոլը հաղթական էր, իսկ Բարնլին լքեց ԱՊԼ-ն

Անգլիայի Պրեմիեր լիգայի 34-րդ տուրում «Մանչեսթեր Սիթին» հյուրընկալվել էր «Բարնլիին» ու հաղթեց Էրլինգ Հոլանդի 5-րդ րոպեին խփած գոլի շնորհիվ։

Այս հաղթանակից հետո «քաղաքաբնակները» վաստակեցին 70 միավոր ու մրցաշարային աղյուսակում շրջանցելով «Արսենալին»՝ բարձրացան առաջին հորիզոնական։ Հետաքրքրական է, որ թիմերի խփած և բաց թողած գոլերի հարաբերակցությունը +37 է և Պեպ Գվարդիոլայի գլխավորած թիմն առաջատար է խփած ավելի շատ գոլերի շնորհիվ՝ 66․ «Արսենալը» մրցաշրջանում հեղինակել է 63 գոլ։

«Բարնլին» 20 միավորով նախավերջին՝ 19-րդ տեղում է ու այլևս չունի հնարավորությունը պահպանելու տեղն Անգլիայի Պրեմիեր լիգայում։