Ըմբշամարտի ԵԱ․ Մրցումային վերջին օրը Հարությունյանն ու Խաչատրյանը կպայքարեն բրոնզե մեդալի համար, Մկրտչյանը սփոփիչ գոտեմարտ կանցկացնի

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի առաջնության մրցումային վերջին օրը 61 կգ քաշային Արսեն Հարությունյանը բրոնզե մեդալի համար կգոտեմարտի բելառուս Դմիտրի Շամելայի հետ։

125 կգ քաշային Խաչատուր Խաչատրյանն էլ բրոնզե մեդալը կվիճարկի թուրք Հաքան Բույուկչինգիլի հետ։

92 կգ քաշային Մուշեղ Մկրտչյանը սփոփիչ գոտեմարտ կանցկացնի թուրք Ֆաթիհ Ալտունբասի հետ, որին հաղթելու դեպքում «բրոնզե եզրափակիչում» կմրցի Ռուսաստանը ներկայացնող Ամանուլա Գաջմիագոմեդովի հետ։

Ավելի վաղ, ազատ ոճայիններից բրոնզե մեդալ էին նվաճել 57 կգ քաշային Մանվել Խնձրցյանն ու 65 կգ քաշային Վազգեն Թևանյանը։ 79 կգ քաշային Հրայր Ալիխանյանը զիջել էր բրոնզի համար պայքարում, իսկ 70 կգ քաշային Դավիթ Մարգարյանը, 74 կգ քաշային Նարեկ Հարությունյանը լքել էին պայքարը։