Էշլի Յանգը հայտնել է՝ մտադիր է ավարտել կարիերան. նա 40 տարեկան է

«Իփսվիչ Թաունի» պաշտպան Էշլի Յանգը հայտարարել է, որ մայիսի 2-ին կանցկացնի իր պրոֆեսիոնալ կարիերայի վերջին հանդիպումը։ Չեմփիոնշիփի 46-րդ տուրում թիմը կհանդիպի «Քուինզ Պարկ Ռեյնջերսին»։

««Սեֆթոն Ռոուդից» մինչև «Վիկարիջ Ռոուդ», «Վիլա Պարկից» մինչև «Ուեմբլի», «Օլդ Թրաֆորդից» մինչև «Սան Սիրո», կրկին «Վիլա Պարկ», հետո «Գուդիսոն Պարկ» և վերջապես «Պորտման Ռոուդ»։ Դա անհավանական ճանապարհորդություն էր՝ այնպիսին, որի մասին մանկության տարիներին միայն կարող էի երազել։ Բայց յուրաքանչյուր երազ պետք է ավարտ ունենա, և շաբաթ օրը, հավանաբար, կանցկացնեմ իմ պրոֆեսիոնալ կարիերայի վերջին խաղը։ 23 տարի՝ և վերջ։ Շարունակությունը կհետևի…»,- գրել է Յանգը սոցիալական ցանցում։

40-ամյա Էշլի Յանգը հանդես է եկել անգլիական «Ուոթֆորդի», «Աստոն Վիլայի», «Մանչեսթեր Յունայթեդի» և «Էվերթոնի», ինչպես նաև իտալական «Ինտերի» կազմում։