Հայաստանի Գավաթի եզրափակիչը կսպասարկեն արտասահմանցի մրցավարները

Fastex Պրեմիեր լիգայի 2025/26 մրցաշրջանն ավարտվելու է մայիսի 27-ին, տեղեկացնում է ՀՖՖ-ն՝ հղում անելով ֆեդերացիայի մրցումների բաժնին։

Միաժամանակ հաղորդվում է, որ Հայաստանի ֆուտբոլի ֆեդերացիայի որոշմամբ՝ Հայաստանի Գավաթի խաղարկության 2026 թվականի եզրափակիչ՝ «Ուրարտու»-«Նոա» հանդիպումը կսպասարկեն արտասահմանցի մրցավարներ։

«ՀՖՖ-ն բարձր է գնահատում հայ մրցավարների պրոֆեսիոնալիզմը և լիովին վստահում է նրանց, սակայն, հաշվի առնելով գավաթային եզրափակիչներն արտասահմանցիներին վստահելու միջազգային պրակտիկան, ՀՖՖ-ն որոշել է կիրառել այս մոտեցումը»,-նշված է հայտարարության մեջ։

Մրցավարական անձնակազմի ներկայացուցիչների անունները կհրապարակվեն ավելի ուշ։