Մադրիդի Ռեալի հանդերձարանում լարված մթնոլորտ է տիրում
Մադրիդի «Ռեալի» իսպանացի ֆուտբոլիստները դժգոհ են թիմի «աստղերի» նկատմամբ գլխավոր մարզիչ Ալվարո Արբելոայի վերաբերմունքից։
Ինչպես հաղորդում է El Mundo-ն, թիմի իսպանական կազմը, որի թվում են Դանի Կարվախալը, Դին Հաուսենը, Ռաուլ Ասենսիոն, Դանի Սեբալյոսը, Գոնսալո Գարսիան, Ալվարո Կարերասը և Ֆրան Գարսիան, կարծում են, որ մարզիչն անտեսում է իրենց՝ նախապատվությունը տալով մամուլի հետ շփումներում աստղային խաղացողներին գովաբանելուն։ Նշվում է, որ Արբելոան պարբերաբար հայտացուցակից դուրս է թողել Կարերասին՝ դժգոհ լինելով պաշտպանի աշխատանքային վերաբերմունքից։
Բացի այդ, խաղացողների մի մասը գտնում է, որ Արբելոան չափազանց շատ է վստահում երիտասարդներին, ինչի պատճառով մամուլում լուրեր են շրջանառվում առանցքային ֆուտբոլիստների, մասնավորապես՝ Էդուարդո Կամավինգայի հնարավոր հեռանալու մասին։
Աղբյուրի փոխանցմամբ՝ վերջին շաբաթների ընթացքում թիմում տիրում է լարված մթնոլորտ։ Խաղացողների միջև տեղի են ունեցել ուղղակի բախումներ և տարաձայնություններ, որոնք արդեն դուրս են եկել խաղադաշտի սահմաններից։
