Հիմա մենք շատ երջանիկ ենք. Լաուտարո Մարտինես
«Ինտերի» հարձակվող Լաուտարո Մարտինեսը մեկնաբանել է թիմի վաղաժամ չեմպիոնությունը Իտալիայի առաջնության 2025/26 մրցաշրջանում։
«Հիմա մենք շատ երջանիկ ենք։ Դժվար էր նորից սկսել այն մրցաշրջանից հետո, երբ մենք մասնակցած բոլոր մրցաշարերում պարտվեցինք հենց վերջնամասում, բայց այսօր ես շատ ուրախ եմ այս ձեռքբերման համար։
Սա մեզ համար շատ կարևոր էր։ Հնարավոր է՝ շատերը մեզ չէին համարում ֆավորիտ՝ հաշվի առնելով նախորդ մրցաշրջանում տեղի ունեցածը, բայց մենք շատ քրտնաջան աշխատեցինք թե՛ խաղադաշտում, թե՛ դրա սահմաններից դուրս։
Մենք արդեն երկար տարիներ շատ լավ ենք հանդես գալիս Իտալիայում և Եվրոպայում, երեք տարվա ընթացքում երկու անգամ հասել ենք Չեմպիոնների լիգայի եզրափակիչ։ Մենք պետք է շարունակենք այս ճանապարհը, որովհետև հաղթելուց հետո ամենակարևորը՝ շարունակել ավելի լավը դառնալու փորձերը։
Մարզիչը հիանալի աշխատանք է կատարել՝ բերելով նոր էներգիա և ոգևորություն, այնպես որ Սիմոնեի հետ անցկացրած չորս հիանալի տարիներից հետո, հնարավոր է, մեզ անհրաժեշտ էր միջավայրի փոփոխություն Չեմպիոնների լիգայի այդ եզրափակիչից հետո։ Կիվուն այնպես արեց, որ յուրաքանչյուրն իրեն ներգրավված զգա և նույնիսկ կարողանա մարզվել ժպիտով, ինչը շատ օգնեց», — 28-ամյա արգենտինացու խոսքերն է փոխանցում DAZN-ը։
Միլանյան թիմը զբաղեցնում է առաջին տեղը Իտալիայի առաջնության մրցաշարային աղյուսակում՝ 35 խաղից հետո ունենալով 82 միավոր։ Մրցաշրջանի ավարտից երեք տուր առաջ «Ինտերը» 12 միավորով առաջ է «Նապոլիից»:
