ՉԼ․ Արսենալը հաղթահարեց Ատլետիկոյի արգելքն ու եզրափակիչում է (տեսանյութ)

Չեմպիոնների լիգայի կիսաեզրափակիչի պատասխան խաղում «Արսենալն» ընդունել էր Մադրիդի «Ատլետիկոյին» և հաղթեց Բուկայո Սակայի 45-րդ րոպեին խփած գոլի շնորհիվ։ Թիմերի միջև առաջին հանդիպումն ավարտվել էր 1։1 հաշվով։

Այս հաղթանակի շնորհիվ Միկել Արտետայի գլխավորած թիմը 20 տարվա դադարից հետո դուրս եկավ Չեմպիոնների լիգայի եզրափակիչ, որը տեղի կունենա մայիսի 30-ին Բուդապեշտի «Պուշկաշ Արենա» մարզադաշտում։

Հիշեցնենք, որ եզրափակիչի մյուս ուղեգիր կվիճարկեն Մյունխենի «Բավարիան» ու ՊՍԺ-ն։ Այդ թիմերի միջև դիմակայության առաջին խաղն ավարտվել էր փարիզյան ակումբի հաղթանակով 5։4 հաշվով։ Պատասխան խաղը կկայանա մայիսի 6-ին՝ մեկնարկը 23։00-ին։