Չեմպիոնության շանսերը գնահատում եմ մինիմալ, բայց չենք կատարել մեր նվազագույն առաջադրանքը․ Արտակ Օսեյան

Fastex Պրեմիեր լիգայի 16-րդ տուրից հետաձգված «Արարատ-Արմենիա»-«Փյունիկ» (1:0) խաղից հետո «Փյունիկի» գլխավոր մարզիչ Արտակ Օսեյանը խոսել է հանդիպման մասին․

«Կադրային լուրջ խնդիրներով էինք մոտեցել խաղին, բայց հաշվի առնելով նույնիսկ դա, վատ հանդիպում չանցկացրինք, ունեցանք գոլային պահեր, կարող էինք փրկել խաղը։ Ցավալի պարտություն։

Յուրաքանչյուր խաղին մենք պատրաստվում ենք հաշվի առնելով հակառակորդին ու մեր վիճակը։ 6 օրվա մեջ 2-րդ շատ բարդ խաղն էր ու էներգիայի պակաս կար՝ դրա համար էլ ընտրել էինք այս մարտավարությունը։

Չեմպիոնության շանսերը գնահատում եմ մինիմալ, բայց քանի տեսական շանսեր կան, կփորձենք օգտագործել, առավել ևս, որ կա նվազագույն առաջադրանք, որը դեռ չենք կատարել, այնպես որ շատ-շատ կարևոր է, որ 4 խաղերում հաղթանակներ ունենանք։ Մինիմալը եվրագավաթային ուղեգիրն է»,-նշել է Օսեյանը։

Մանրամասն տեսանյութում․