Չեմպիոնների լիգայի եզրափակչում պատմության մեջ առաջին անգամ կհանդիպեն երկու իսպանացի մարզիչներ

Չեմպիոնների լիգայի և Եվրոպայի չեմպիոնների գավաթի պատմության մեջ առաջին անգամ եզրափակչում միմյանց դեմ կմրցեն երկու իսպանացի մարզիչներ։ Այս մասին իր X էջում գրում է հայտնի լրագրող Պեդրո Մարտինը։

Չեմպիոնական տիտղոսի համար պայքարում Լուիս Էնրիկեի գլխավորած «Պարի Սեն Ժերմենը» կմրցի Միկել Արտետայի «Արսենալի» հետ։

Նույն երկրի մարզիչների հանդիպումը եզրափակչում մրցաշարի պատմության մեջ (Չեմպիոնների լիգա և Եվրոպայի գավաթ) տեղի է ունեցել ընդամենը չորս անգամ. 1979 - «Նոթինգհեմ Ֆորեսթ» (Բրայան Քլաֆ) և «Մալմյո» (Բոբ Հաուտոն). 2003 - «Յուվենտուս» (Մարչելլո Լիպի) և «Միլան» (Կառլո Անչելոտի). 2013 - «Բորուսիա Դորտմունդ» (Յուրգեն Կլոպ) և «Բավարիա Մյունխեն» (Յուպ Հայնկես). 2020 - ՊՍԺ (Թոմաս Տուխել) ընդդեմ «Բավարիայի» (Հանս-Դիտեր Ֆլիկ)։

Չեմպիոնների լիգայի ընթացիկ խաղարկության եզրափակիչ խաղը կկայանա մայիսի 30-ին Բուդապեշտում, Հունգարիա։