Արսեն Զախարյանի տրանսֆերային արժեքը նվազել է 3 միլիոն եվրոյով

Transfermarkt ինտերնետային պորտալը 2024 թվականի դեկտեմբերից ի վեր առաջին անգամ թարմացրել է Իսպանիայի Լա Լիգայի ֆուտբոլիստների շուկայական արժեքները։

Թարմացումն անդրադարձել է նաև «Ռեալ Սոսյեդադի» կիսապաշտպան Արսեն Զախարյանի տրանսֆերային արժեքի վրա։ Այսպիսով, Ռուսաստանի հավաքականի կիսապաշտպանի արժեքը նվազել է 3 միլիոն եվրոյով՝ 18 միլիոն եվրոյից հասնելով 15 միլիոն եվրոյի։

Զախարյանը բաց է թողել ընթացիկ մրցաշրջանի մի մասը աջ կոճի ջլի վնասվածքի պատճառով։

Կիսապաշտպանն առաջին անգամ խաղադաշտ է դուրս եկել փետրվարի 2-ին իսպանական Պրիմերայի 22-րդ տուրի՝ «Օսասունայի» դեմ խաղում (2:1)։ Այս խաղը Զախարյանի համար առաջինն էր 2024 թվականի մայիսից հետո։ Սակայն վերադարձից անմիջապես հետո Արսենը կրկին վնասվածք ստացավ և դուրս մնաց «Ռեալ Սոսյեդադի» հայտացուցակից։