Նոան խոշոր հաշվով հաղթեց Արարատ-Արմենիային (տեսանյութ)

Այսօր 19:54

Նոան խոշոր հաշվով հաղթեց Արարատ-Արմենիային (տեսանյութ)

Fastex Պրեմիեր լիգայի 25-րդ տուրի վերջին խաղում «Նոան» հյուրընկալվել էր «Արարատ-Արմենիային» ու հաղթեց 4։0 հաշվով։

Խաղի հաշիվը բացեց Նարդին Մուլահուսեյնովիչը՝ 13-րդ րոպեին։ 5 րոպե անց Հելդեր Ֆերեյրան կրկնապատկեց «Նոայի» առավելությունը։ Հյուրերի կազմում դուբլ ձևակերպեց Մաթեուս Այասը։ Բրազիլացին փոխարինման մտավ 75-րդ րոպեին և 10 րոպե անց խփեց իր թիմի 3-րդ գոլը, իսկ հիմնական ժամանակին ավելացրած 2-րդ րոպեին ձևակերպեց վերջնական հաշիվը։

Եթե Մանուել Տուլիպայի գլխավորած թիմը հաղթեր այս մրցավեճում, ապա կհռչակվեր Հայաստանի չեմպիոն։

Հանդիպումը սպասարկում էին իտալացի մրցավարները՝ Մատեո Մարկետիի գլխավորությամբ։ Նրան օգնում էին Ջիորջիո Պերետին և Ալեսիո Բերտին։

Այս հանդիպումից հետո Հայաստանի առաջնության մրցաշարային աղյուսակը ստացավ հետևյալ տեսքը․

#	Թիմեր	Խ	Հ	Ո	Պ	ԽԳ	ԲԳ	Մ
1	Արարատ-Արմենիա	25	16	6	3	46	24	54
2	Նոա	24	14	7	3	48	17	49
3	Փյունիկ	24	15	3	6	33	17	48
4	Ուրարտու	25	14	6	5	43	21	48
5	Ալաշկերտ	25	14	5	6	39	23	47
6	Վան	25	9	4	12	26	37	31
7	ԲԿՄԱ	25	4	10	11	27	38	22
8	Գանձասար	25	5	6	14	20	38	21
9	Արարատ	25	3	3	19	17	54	12
10	Շիրակ	25	2	6	17	17	49	12

Հիշեցնենք, որ տուրի մյուս խաղերում «Վանը» նվազագույն հաշվով հաղթել էր «Շիրակին», «Ուրարտուն»՝ «Արարատին» «Ալաշկերտը» 3։1 հաշվով առավելության էր հասել «Գանձասարի» նկատմամբ, իսկ «Փյունիկը» 2 անպատասխան գնդակ էր ուղարկել ԲԿՄԱ-ի դարպասը։