Մարմնամարզության աշխարհի գավաթ. Արթուր Դավթյանն ու Վահագն Դավթյանը դուրս են եկել եզրափակիչ
Հայաստանի մարմնամարզության հավաքականի առաջատարներ Վահագն Դավթյանն ու Արթուր Դավթյանը դուրս են եկել Թուրքիայի Անթալիա քաղաքում մեկնարկած սպորտային մարմնամարզության աշխարհի գավաթի խաղարկության երրորդ փուլի եզրափակիչ:
Վահագն Դավթյանն օղակների վարժության որակավորման փուլում վաստակել է 14,000 միավոր և դուրս եկել եզրափակիչ:
Իսկ Արթուր Դավթյանը դուրս է եկել հենացատկի վարժության եզրափակիչ՝ որակավորման փուլում վաստակելով 14,483 միավոր:
Հիշեցնենք՝ աշխարհի գավաթի խաղարկության երրորդ փուլը կտևի մինչև մարտի 24-ը:
Աշխարհի գավաթի երկրորդ փուլը կայացել է Բաքվում, որին մեր թիմը չի մասնակցել:
