Բետիսը, Լեգանեսը և Սևիլիան հետաքրքրված են Թիկնիզյանի ծառայություններով
Ալեքսանդր Կլյուևը, որը հանդիսանում է Մոսկվայի «Լոկոմոտիվի» և Հայաստանի հավաքականի պաշտպան Նաիր Թիկնիզյանի գործակալը, պատմել է, որ վերջինիս ծառայություններով հետաքրքրքված են մի քանի եվրոպական ակումբներ:
««Բետիսը», «Լեգանեսը», «Սևիլիան» և նաև այլ ակումբները շարունակում են հետևել Նաիրին ինչպես Հայաստանի հավաքականում, այնպես էլ՝ «Լոկոմոտիվում»»,- ասել է Կլյուևը «Матч ТВ»-ին տված հարցազրույցում:
Նաիր Թիկնիզյանը «Լոկոմոտիվի» կազմում հանդես է գալիս 2021 թվականի օգոստոսից: Մոսկովյան թիմի կազմ Հայաստանի հավաքականի ֆուտբոլիստը տեղափոխվել է Մոսկվայի ԲԿՄԱ-ից: Նա ՌՊԼ-ում և Ռուսաստանի Գավաթում 27 խաղի է մասնակցել, որոնցում դարձել է 2 գոլի և 4 գոլային փոխանցման հեղինակ:
