Ռեալը ստիպված է վաճառել խաղացողների՝ նոր տրանսֆերներ կատարելու համար. The Athletic

«The Athletic»-ի փոխանցմամբ՝ Մադրիդի «Ռեալը» ստիպված կլինի վաճառել խաղացողների՝ նոր տրանսֆերները ֆինանսավորելու համար։

Աղբյուրի համաձայն՝ պաշտպաններ Դավիդ Ալաբան և Անտոնիո Ռյուդիգերը, հավանաբար, կհեռանան ազատ խաղացողի կարգավիճակում։ Քննարկվում է պահեստայիններ Դանիել Սեբալյոսի և Գոնսալո Գարսիայի վաճառքը։ Ավագ Դանիել Կարվախալի ապագան մնում է անորոշ։

Հրապարակման համաձայն՝ չնայած ակումբի ղեկավարությունն առաջիկա տրանսֆերային պատուհանն անվանում է «պարզապես ևս մեկ», ակումբում իրավիճակին ծանոթ աղբյուրները նշում են խաղացողներ վաճառելու անհրաժեշտությունը՝ տրանսֆերները ֆինանսավորելու համար։ Փոփոխությունները կարող են լինել ավելի լայնածավալ։ Ակումբի մարզական բաժնի վերակառուցումը չի կարելի բացառել։